Koninginnedag

Durty Nelly

Sien, julle het dit al die tyd geweet, maar net nooit die bewyse gehad nie. Hier is dit nou. (Al is die Nelle effentjies verkeerd gespel) Dit is 'n hostel en Ierse kroeg baie naby aan die
Walletjiesgedeelte van Amsterdam.

Ladies of negotionable affection - maar volgens kleredrag Trots Hollands



That she is a he. But it is Queen's day after all...


Ons is vandag deur Amsterdam toe vir Queen's day/ Koninginnedag. Al wat Hollander is, was seker ook daar tesame met die helfte van Engeland se jongklomp. Die kanale was toe nie oranje nie :( maar daar was genoeg oranje te sien om enigeen se lus daarvoor te blus. Die snaakste was al die hoede! Die het gewissel van die cute tot die belaglike tot die obsene.

Die strate was toe onder die rommel (en dit maak die Durty Nelly selfs nog meer van pas). Ek wil nie weet waardeur ek alles vandag geloop het nie. Jiggie. My skoene slaap vannaand buite. Defnitief.

Daar is een wonderlike Nederlandse gewoonte wat ek aan gewoond kan raak. Op feesdae trek al wat poffertjie-, pannekoek-, worsbrood-, spinsuiker en beenhammaker bymekaar en lok jou met hulle geure nader. Hulle is baie ver overpriced, maar damn, is daardie goed lekker! Ek sal dalk nog weggelok kan raak van kaas...

Een ding wat die Hollanders kan doen, is feesvier! Hulle daag in hulle massas op, is luidrugtig en vrolik, sing, skree en vloek - en gaan dan laataand huistoe. Hulle neem deel asof daar nie weer so 'n dag van vreugde en verkwisting sal wees nie en ek bewonder hulle vir hulle nasietrots. Al het hulle 'n baie vreemde manier om dit te wys.

Regmaak vir Koninginnedag

Mens wil nou ook nie underdressed voel nie...

Daardie toe-socks kielie mens regtig. Ek het darem 'n regte broek ook aangetrek later. Bietjie koud om so hier rond te loop - kyk hoe reën dit buite.

Koninginneavond

HTM - Her Terriblycold Majesty
Her Temperamental Majesty :)

My liefieding. Lekkerste goed daardie in die pakkie. Hulle het kaneelsuiker bo-oor...

Ons is plegtig vertel dat Den Haag die plek is om te wees op die aand voor Koninginnedag. Om die saak in perspektief te stel: Die Nederlanders het bitter, bitter min vakansiedae en as hulle die dag een het, gebruik hulle hom optimaal. Hierdie dag word gevier ter herdenking van hulle baie geliefde oorlede koningin se verjaarsdag. Al wat Nederlandse bloed in hulle are het, of die regte stempel in hulle paspoort het, dra oranje, praat luidrugtig, drink heelwat bier, rook suspect goed en as hulle Y-chromosome het, gebruik hulle die baie weird, baie openbare manstoilette. Dis 'n vreemde vierhoekige vorm wat jou privaatheid baie skraps beskerm terwyl jy sommer so in die openbaar van die bier ontslae raak. (Ek is nog nie so lank hier nie - goed verbaas my nog.)

Die middestad was afgekordon vir verkeer en dit was mond-oophang-lekker om tussen al die verhoë en veestereine deur te beweeg. Ek en Rods het selfs langs die pad sulke oranje krone gekry. Myne het ek opgetel, maar Rods het syne legally verkry. Die het darem die regte (verpligte) kleur aan ons uitrustings gegee. Ons het poffertjies verorber en ons verder vergaap aan die menigtes. Daar was ook 'n pretpark met rides en stalletjies waar jy teddiebere kan wen as jy die regte goed raakgooi/skiet. Die bome was vol groot oranjekleurige ronde ligte wat soos lemoene gelyk het toe hulle later aangeskakel is. (Hier word dit mos eers lank na 9 donker.)

As môre in Amsterdam soos vannaand gaan wees, kan ek nie wag om te sien nie. Daar word oranje kleursel in die kanale gegooi en almal het 'n verskoning om hulle vir 'n dag te wangedra. Ek wil gaan kyk hoe lyk die liberaalste stad wanneer hy hom wangedra :)

Zuiderpark

Tree hugger



My swaan-foto
My family tree can be traced back to the time we were swinging in it...

Een van die mooiste swaan-foto's. Caroline het die een geneem. Ek is nogal jaloers :)

Zuiderpark is 'n massiewe park met 'n diameter van net so oor 'n kilometer. Gedeeltes is natuurlik gelos terwyl ander meer formele tuin is. Ek wonder of swane ook die storie van die lelike eendjie ken.

Stephen King se vrou

Volgens'n betroubare bron wat dit seker op die ietwat minder betroubare internet gekry het, sê Stephen King hy skryf sy boeke vir een persoon alleen: sy vrou. Dit waarvan sy sal hou, dit wat hy wil hê sy moet lees, dit wat hy weet 'n glimlag op haar gesig gaan bring. Dis 'n goeie idee en ek sal dit in gedagte hou wanneer ek Vanya se opvolg skryf. Vanya, btw, is geskryf vir meer as een persoon se geneë en genoë en word dus opgedra "aan almal wat al ooit een van my koffie/tee bekers vasgehou het..." Maar dit bring my nou by die dilemma oor wie ek in my agterkop moet hou wanneer ek blog. Dit het 'n rukkie se peinsing en selfs raad van vriende gevat, maar op die ou end is dit iets wat mens tog maar vir jouself moet uitsorteer.

Dus

Jammer, Mevrou King. Hierdie blog is nie aan jou opgedra nie.

Foto's van Keukenhof

"But that's just a lot of water underneath the bridge I've burnt" - Trisha Yearwood


"So why don't you chop of children's heads and put them in vases?" - GBS after asked why he does not have flowers in his house. They are, afterall, very beautiful


Net oor jy verskillend is, beteken nie dat jy minder mooi, minder spesiaal of minder geliefd is nie

"Mens hoef nie iets te besit om dit te geniet nie" - AJ Barnard

Een dag na Keukenhof

Vandag het ons natgereën en Rods het sy broek geskeur toe ons teen groot vierkantige dollosse by die hawe opgeklouter het. Exciting lewe die een van my :)

Gister was ons by Keukenhof. Wat sê mens as jy die mooiste tuin waarin jou voete ooit was na die tyd moet beskryf. Hoe verduidelik mens enigiemand van 'n paar miljoen (regitg!) tulpe wat in hulle volle glorie voor jou oë was? Nou weet ek ook wat 'n sensory overload is. Ek met my gladde bek het nie woorde nie. Sal 'n paar foto's -wat die tuin nie regtig justice doen nie- byvoeg. Nog nie goed met blog nie. Sal probeer om die foto's tussen in te sit, maar as dit nie werk nie, sal ek hulle maar appart iewers op die site kry.


Hey, die tuine het ook 'n orgidieëhuis! Dit was amper 'n verligting om op meer bekende gebied te wees. Keukenhof het gewemel van die mense. As die ouens by die hek die helfte laat inkom het, was die tuine steeds oorbevolk. Dit het fotonemery heelwat vergemoeilik. Ten spyte daarvan het ons tussen my, Rods en Caroline pragtig foto's. Caroline se kamera het 'n monsterzoom en sy het dit gebruik. Rods is natuurlik baie goed met foto's en selfs ek het soms onthou om my kamera waterpas te hou.

Na Keukenhof het ons die scenic route huis toe gevolg. Verby dosyne tulpplase gery. Die boere plant dit in rye met eenderse kleure. So hier en daar is daar enetjie in wat nie pas nie, maar meer as 99% van 'n ry is uniform. Rye word gealterneer, so plase eindig op met reënboë wat my sommer baie bly maak dat ek die tyd van die jaar hier is. My pa het 'n baie waar ding gesê. Mens hoef nie iets te besit om dit te geniet nie. Jy geniet dit inderwaarheid meer as dit nie jou verantwoordelikheid is om dit te onderhou nie.

Kruitvat en Albert Hein het albei fotodienste. Mens stuur hulle 'n folder met jou foto's in en hulle print dit vir jou. Hulle print of die foto's gewoonweg, of jy kan 'n fotoboekie saamstel. Ek en Rods is vuur en vlam want dit lyk amazing op die website. Gaan probeer en as dit goed werk, raai wat kry almal vir Kersfees die jaar.

Genoeg gebabbel vir eendag. Gaan kyk of ek die foto's gelaai kry.

Sonder 'n kamera

Ek het eendag gelees van 'n man wat die wêreld vol gereis het, maar nooit 'n kamera saamgeneem het nie. Sy redenasie was dat wanneer jou ervarings beperk is tot die venstertjie waardeur jy loer, jy soveel meer mis. Synde die uit my oogpunt geskryf is, kan ek seker maar eers erken dat ek verstaan wat hy sê voordat ek kla dat my kamera nie permanent naby my oog is nie.

Miskien is dit oor alles nog nuut is, miskien oor ek die snaaks in meeste situasies kan raaksien, maar hier is soveel mooi - en soveel raar - dat ek wens ek alles kon vaslê. Die swane wat op die gitswart-nag-water tussen die huisbote rondswem. Die snaakse punk haarstyle. Die ewe rare oranje gewade in voorloop tot Koninginnedag. Die polisieman wat met die besem soos 'n septer in die hand na die fender bender aangestap kom. Die Arabiese mans - waarvan twee camo dra - wat baseball speel tussen 'n klompie woonstelle. Die jong seun op die trein wat iets gerook of gespuit het en in 'n tweegeveg met sy spook betrokke is. Die stokou tannie op die fiets en langs haar die jong meisie wie se los hare oor haar boude waai soos wat sy trap. Waar is my kamera dan?

My ouers en grootouers het gespaar vir hulle oudag. My bankrekening raak net leër, maar ek is besig om my skoensole vinnig dunner te maak en my sak met herinneringe net so haastig te vul. Dalk is die lewe sonder 'n kamera nie regtig so 'n eienaardige gedagte nie; nie heeltemal sonder meriete nie. Maar my foto's is afterall bewyse dat ek tog wel daar was. Bewyse dat Rods wel daar was, synde ek die een is wat die bewysmaker vashou.

As alle goedgaan, post ek môreaand van hierdie bewyse hier sodat ek ook later terug kan kyk en hopenlik dink 'genugtig, was ek ooit so rond?'

Einde April in Den Haag

Vandag is 'n Vrydag en ek was veronderstel om Duitsland toe te gaan. Ongelukkig het die vliegtuigverkoue my uiteindelik ingehaal en moes ek 'n keuse maak tussen Oberhauzen vandag of Keukenhof môre. Nou bly ek maar tuis en hoop dat ek môre energie en asem het om die groot tuine aan te durf.

Dis vroeë lente hier in Nederland. Dit beteken ek vries my * af en Rods loop met sy kortmouklere rond. Ek dink steeds daar is fout met sy termostaat. Aan die ander kant is ek die een wat uit die warm SA somer hier aangekom het en nog nie geaklimatiseer het nie.

Hoop dit is al bietjie warmer volgende week, want dan is dit Koninginnedag. Ek het al soveel daarvan gehoor dat ek nie kan wag om te sien of alles waar is nie. Apparantly gooi die Hollanders oranje kleurstof in al wat kanaal is (arme swane) en trek hulle (oranje) blindings af en dra hulle oranje klere om hulle geneë met die monargie hier ten toon te stel. Hulle is nogal lief vir hulle leier as mens na die gewone mense luister. Ek sal maar wag en sien. Wie weet, dalk dra ek ook oranje.

Ons het ons eie plekkie gekry. Dit is naby die see en Westduinpark. Die park is massief en is 'n natuurlike woud. Niks gras en gemanikuurde tuintjies nie. Nie dat gras en tuintjies my veel pla nie. Zuiderpark hier by Thinus is 'n stunning plek (meer as 'n km in deursnee) en ek dink as my neus dit later vandag toelaat, moet ek hom volg dwarsdeur die park. Volgens my ontdekkingsreisigersman, is daar 'n pannekoek-plek reg in die middel...

Dis seker genoeg inligting vir 'n eerste blog. Maar wees nie bevrees nie (wurmpie Jakob) daar kom nog vele. Ek tik immers heelwat vinniger as wat ek skryf...