Woensdag was ons labuitje en ons was na die Archeon toe. Daar aangekom, is ons getrakteer op appeltert en koffie. Daar was ekstra bakkies met heuningstroop vol neute en opgeklopte room daarby. Dit was heeeeerlik. 
Die was soos WWF. Baie snaaks. Baie toneelspel. Maar lekker om te kyk ook, die gladiator geveg. 
Na die geveg is ons in groepe opgedeel en het ons verskillende take gekry om te verrig. Een daarvan was om iemand op 'n A-houtfiguur aan die beweeg te kry en oor 'n afstand van so 10 meter te vervoer sonder dat sy voete grondraak.
Ook moes 'n stoere dame in ons groep geklee word as Romeinse legionair. 
Behalwe dat ons vergeet het om my rokkie tot bo my knie op te trek, dink ek ek lyk nou nogal aanvallig in die.
Ons moes 'n tent bou. Sonder instruksies. 
Die mozaikwerk was sommer vir die lekker.
Hierdie puzzle was moeilik. Ons groepie is in drie gedeel. Een gedeelte staan binne agter 'n skerm en sien 'n prentjie van die puzzle. Hulle vertel dan vir die tweede groep wat hulle sien en die tweede groep kom telefoontjie buite wat aan hulle vertel is. Was heerlike chaos. 
Ook moes ons boogskiet.
Ek was nie vreeslik suksesvol nie. Maar dit was lekker.Op die ou end van die dag het ons groepie gewen. Ons het tot laataand gekuier, en die volgende dag by die werk was... interessant. Maar ek dink dit is belangrik om ook op daardie vlak met jou kollegas te bond. Nou kan ek eerlik vertel dat my medewerkers my ontklee het :)
No comments:
Post a Comment