Met Nederland wat Brazil huistoe gestuur het, mag die oranje vlaggies darem tot (ten minste) Dinsdag wanneer hulle teen Urugay speel, bly hang. Klink my die Nederlanders is maar onvergewensgesind. As hulle span verloor, word die kilometers en kilometers vlaggies vinnig vinnig uit die strate verwyder, word die oranje T-hemde, hoedens, leeu-ore en toeters weggepak en kom die eers weer op Koninginnedag tevoorskyn - of wanneer die water onder die brug deur is en die span weer speel.
