Plekmatjies

Kersboom

Want 'n boer(in) maak 'n plan...

Timing

En nou; nou dat my partytjie iets van die verlede is - nou verkoop alle plekke disco balle! Pffff

Oujaars nomnoms

Ons was vandag by Beans en Bagles. Lekker oujaarsetetjie

Mens kry jou hot chocolate in hierdie formaat. Die room is in 'n apparte houertjie.

Dan klits mens dit en lek die lepel soveel keer af as wat jy kan - of jy skep vir jou stukke sjokolade uit en klits dan; nes jou hartjie begeer.

En dan 'geniet jij van de overheerlike warme sjokola met slagroom'

Half 10 Oujaarsaand

Die groot geraas is nog 'n uur en 'n half weg - en dit lyk al so hier buite. Vir my is die ergste dat dit sommer deur kinders afgeskiet word. En op 11 het jy geen idee van die skade wat so iets kan aanrig aan karre, fietse, diere, hande, ogies, lewens... Om daardie rede bly ek versigtig binne. Hier binne is dit immers veilig, warm en dig. Van hier af is die vertonings van elke straathoek en brug, ook pragtig - en 'n hele entjie rustiger.

Disco Party

Net voor die gaste begin opdaag het. Ons (dis nou eintlik Roderick) het die banke weggeskuif om 'n dansbaan te maak.

Laura help my om die vrolike wimpers vas te plak. Hulle is heelwat gemakliker as die grotes wat ek gewoonlik vir Fantasy Fairs dra.

Begin van die partytjie - almal nog redelik formeel.

Dancing queen. Ek is mal oor hoe haar leggings reageer op kamera-flashes. Dit lyk byna ingephotoshop.

Yvette tog te pragtig opgedollie

Riaan het fantasties gelyk in sy skitterende hemp en sy laslappiebroek.

Maak nie saak wat Rods tot sy uitrusting toegevoeg het nie, dit het spectacularly wrong gelyk en was dus ideaal vir die partytjie.

Die skitterkousies weer. Die skoene is eintlik Merlijn en Golan s'n, maar deur die aand het ons pruike, skoene, brille, ens uitgeruil.

Ek aan die sukkel om in die platforms in te kom. Uiteindelik het ek wel gekies om op 'n stoel te sit om die takie te verrig.

Nog 'n metamorfose in kostuum

You go, girl!

Disco ball (Wel... eintlik kom dit uit die Kerstshop en is dit veronderstel om aan 'n boom te hang, maar as julle niemand gaan vertel nie, sal ek ook nie

Boys, boys, boys...

Do-ha-di-di-di-di-dam-di-di-dooh

Ons was geëerd... David Bowie was ook by ons partytjie. Amos was ongelooflik kreatief met hierdie kostuum

Dit antwoord nog nie die eintlike vraag nie...

Ek is absoluut gek oor hierdie foto. Die model mag miskien dink dat ek beter in sy pruik lyk (kyk net die foto hier onder) maar ek is mal oor die intensiteit van die foto.

As Afrikaan mag ek mos 'n Afro hê - anders sou dit 'n Euro gewees het

Hierdie is my gunsteling foto van myself van die aand. Dit is so 'n kakafonie van kleure. Was 'n onvergeetlike aand.

GGGGGGggggg

Vrydag op die trein het die snaakste ding gebeur. Daar was van die Romeense outjies met 'n trekklavier besig om die reisigers te probeer sover kry om 'n paar euro af te staan. Die outjie voor speel en die een agter hom loop so bakhand deur die coupee.

In teorie moes dit 'n goeie plan wees, maar hulle het 'n paar foute begaan. Dit is nie wettig om te 'busk' in Nederland nie. Hulle trippie het deur eersteklas oppad na ons toe gegaan en een van die heel nette menere daarso het besluit Nee, dat mag niet! Toe staan hy op en volg hulle.

Nou stel jou die prentjie voor: Voor loop 'n klein Romeense mannetjie met 'n trekklavier en Fur Elize speel. Agter hom kom sy maatjie aan. En agter hulle loop die heel netjies geklede meneer met sy hande half zombierig uitgestrek en maak GGGGG geluide so diep uit sy keel uit... Niemand gaan natuurlik vir hulle geld gee vir so 'n show nie, so die outjie voor loop vinniger (en speel al vinniger). Sy maatjie volg en GGGGGGGGGGGG kom die Nederlander agter hulle aangeloom. Nou hol die voorste outjie al en Fur Elize het in 'n polka verander en GGGGGGGG volg die Eersteklas ou hulle dwarsdeur die coupee en teen die trap af.

Ek het gelag tot ek begin voel het ek gaan nou histeries raak; veral toe die ou heel rustig weer tussen ons terugloop na sy sitplek toe... Die dinge wat ek soggens naar werk meemaak...

Doepa met woema

vreemde vreemde selfvertroue

Sexy from the self confidence - so vertel die beker my. Maar ek weet nog steeds nie of ek ooit genoeg selfvertroue sal hê om 'n 'fro te groei nie

Daai tyd van die jaar

Die Kerstliggies hang weer. Die Sinterklasies is in die rame (vensters). Die swartpiete met hulle sakke vol pepernoten is ook orals sigbaar. En die son is moeg die tyd van die jaar, want hy gaan slaap al om kwart voor 5. Maar daar is iets aan 'n witte Kerst... 'n Kinderdroom afgelei van kerskaartjies miskien... Miskien. Ek vries, ek kla, ek bibber, maar ek geniet nogtans hierdie tyd van die jaar.

Engelse tee

Volgens Pratchett dryf tee demone weg. Hy is absoluut reg, natuurlik. Dit vul ook hol kolle, en doen meer vir die mensdom as wat 'n duisend woorde kan. Dit verdoesel die ongeluk, verlig die vreugde en verbeter die samelewing. Behalwe as dit Nederlandse tee is. Die is wheg. Meestal.

besoekers

Wat 'n leuke verrassing (twee rre...) vir 'n Maandag oggend. Interessant hoe vinnig mens goed met 'n meter kan lig wanneer so 'n kleine dingetjie in jou huis rondbeweeg.

Potjiekos

Daar is 'n laaaaaaaaang storie agter die potjie...

Gaste vir Rods se verjaarsdagpotjie

Birthday boy

Amos en Riaan

Tadaaaa

Herfs

Die tyd van die jaar wanneer die ou klere uitgegooi word, die minimalisme omhels word en die innige diepte van die onherroeplike vertroetel word

Natuurlik sal daar nog 'n lente wees