Toe aan Gaudi gevra is hoe lank hy dink dit gaan vat om die Segrada Familia klaar te bou, was sy antwoord: My klient is geduldig. God kan wag. Hy het immers al die tyd. Op die stadium probeer hulle om dit voor 2026 (die 100 jaar reunie van Gaudi se dood) klaar te kry.
Die nuwe kant van die gebou
Ingangspoorte met hoekige standbeelde
Die skrif is aan die muur
Gloeilampe binne die kerk
Kyk hoe verskriklik mooi is die wenteltrap links van die gekleurde venster
Daar word ook nog binne die katedraal gewerk. Net die buitenste gedeeltes van die binnekant is vir die toeriste betreebaar. Mens kan ook met 'n lift na bo in die torings gaan, maar die wagtydperk was 'n uur.
Loodglas
Soveel dinge hier binne is op die natuur gebasseer. Die pilare soos boomstamme, die blomme in die dak, 'n ware tribute to nature.
Die hoogte van die pilare is duisligwekkend
Die is ongelukkig 'n blurry foto. Die gebou is onderstebo ontwerp met behulp van drade en lappe en gewiggies om die presiese gravitasionele kragte daarop uit te pluis. Deesdae het mens rekenaarprogramme wat dit vir jou kan doen, maar die ouens van meer as 'n eeu gelede moes met ander planne vorendag kom. Ek dink die kerk op die foto is die katedraal in die middel van Barcelona. Die het buite groot signs op van Gaudi's first cathedral, maar is baie meer tradisioneel in voorkoms en ek het gaan google, maar kry nie so vinnig enige website wat die claim kan staaf nie.
Die Segrada van die straat af. Dit is 'n massiewe gebou. Volgens die oorspronklike plan, moet daar 18 torings in totaal gebou word; 12 vir die apostels, 4 vir die evangeliste, een vir Maria en een vir Jesus. Die bloudruk planne is egter in die laat 1930's tydens die Spaanse Revolusie verbrand.
Die gedeelte is al omtrent 'n eeu oud.
'n Vinnige blik hierna, laat die bietjie morsig lyk, maar nadere ondersoek wys die ongelooflike hoeveelheid detail.
Detail aan die ou kant van die Segrada. Ek dink die kant is klaar gebou voor Gaudi dood is. Daarna was die Spaanse Revolusie en het die bou vir baie lank stilgestaan. Deesdae word dit op donasies gebou en hou hulle op wanneer hulle geld opraak.
Kapel ingangsdeur
Een van die eerste dinge wat klaargebou is, is die kapelletjie. Kyk hoe hoog staan daardie deure.
Kyk die lig op die regterkantste muur
Klein skaalmodel van die binnekant van die Segrada. Let op hoe die pilare soos boomstamme lyk.
Ek dink die was oorspronklik 'n werkswinkel
"Nuwe kuns". Die beeldjies aan die nuwe kant van die gebou, is ook deur 'n meer moderne kunstenaar ontwerp.
Die kruise was grens-merkers tussen stede
Nog een van Gaudi se designs. Die twee poort-geboue met die draak-hek
Die paleis wat nou nie meer deur die Spaanse kongingshuis gebruik word as woning nie.
Wasgoed in Barceloneta
Detail op die gebou agter die recycle dromme
Blomme in die deur van 'n gebou naby die Barceloneta strand. Dit is 'n arm gebied van Barcelona en dus die gedeelte waarvan ek die meeste hou, want die mense daar is eg, die atmosfeer gemoedelik en die kos heerlik.
Noue stegies in die Gotiese gebied
Kyk al die verskillende boustyle en -stene. Dit is 'n Romeinse muur wat so omskep en omwikkel is.
Geboutjie wat wydsbeen oor die stegie strek
Ek wonder of Gepetto Spaans was
Die Arc de Triomf. Nie so groot soos die ene in Parys nie, maar nog steeds indrukwekkend.
Kyk hoe speel daai engel vuvuzela
