My fantasy-rok... byna-byna klaar

Dit was ure se werk. Ure en ure en ure eintlik. Die pante moes dubbel uitgeknip word, die omboordsels moes vasgewerk word. Op die skouers en om die hele voorkant moes lip-chord vasgewerk word. Daar is kant om die voorkant en moue gewerk en al die los garetjies moes bygedam en verwyder word. Ek het een oggend wakker geword en gedink dit sou 'n goeie idee wees om ook vir die soom 'n stuk koord om te werk... Arme Rods het 'n beter gedeelte van 'n uur geneem om die gaatjies vir die koord netjies in te sit en af te werk. En nou is dit so ver. Is dit nie te blerrie pragtig nie? Hier sit-staan ek lekker op die slaapbank (waarop ons vannaand gaan moet slaap, want ons matras se sloop is nog drup-nat) in die laatmiddag sonnetjie en voel so trots soos een wat self die patroon uitgedink het.

So wat moet nog gedoen word? Op die moue moet nog wit kat om al die goue koord gewerk word en daar moet koord vasgewerk en gestrik word oral waar die pante bymekaarkom. Verder moet ek daardie goue lap wat ek Vrydag by die mark gekoop het, omtower in 'n rok wat ek daar onder kan dra. Die ski-pants en T-hemp is wel gemaklik, maar dit pas nie heeltemal by die genre nie.

I did it, I did it! Sorry, moes dit net uit die gestel uit kry...

Om 'n rok aanmekaar te timmer

As my bure vandag moes kom vra van waar die groot kabaal en herrie uit ons woonstel, sou ek hulle kon vertel het ons is besig om vir my 'n rok te maak en daarvoor gebruik ons 'n hamer en 'n skroewedraaier. Hulle sou nie blameer kon word as hulle gereken het dit is dalk panster of 'n borstrok nie. Die waarheid is soms saaier as die verbeelding.

Fray Bentos Pies

Ek herinner my dat Fray Bentos 'n sout smeersel was - iets soortgelyks aan Marmite. Maar, soos wat ek uitgevind het dat Toyota ook 'n naaimasjien en Suzuki ook 'n gewone kar ipv 'n motorfiets kan wees, kom ek nou agter dat Fray Bentos net die 'brand name' was. Die pasteitjies was wel heerlik.

Die blou rok - origins

blou en wit - die halfklaar jurk

bolyf

hulpmiddele
versigtig om die draaitjies

puzzlestukke. Ek moes 8 van daardie mou-pante uitknip


Die halfklaar produk. Daar kort nog heelwat werk, maar ten minste is dit nou in een stuk.


Ek en my kleinsus giggel oor die blourok geloof en oor ek nou juis daardie kleur gekies het vir my Fantasy Fair rok. As ek ooit daai geloof aanhang, hoop ek dit weeg minder as die een. So ver - sonder die ogies en koord, die strikkies op die skouers en die krale onder aan die moue, weeg hy 2.1kg... Ek kyk daai moue en hulle sleep reeds op die grond as ek nie my arms oplig nie. Elke keer wat ek nou aan krale daar dink, kry ek visioene van blikke en ou skoene agter 'n troukar aan.

Ietsie in en uit die oond

My skoonsussie is swanger. Dus ietsie in die oond - volgens tradisie 'n broodjie. By ons, al is dit in die leuke teflon broodpan gebak, is die ietsie uit die oond uit 'n boerencake. Mens eet dit met botter (en konfyt as jy so voel) en dit hoef nie versier te word nie. Soms verbaas my man se talente my.

Dinge wat dryf

Halwe okkerneut, tandestokkie, stukkie geskenkpapier en kougom. Nou wonder ek hoe lank hy in 'n kanaal saz

Lucky me

Laatslaap en ontbyt in die bed. En wat 'n ontbyt! spek en eiers. Sampioene gevul met salm-kaas. En vars gebakte croissants. My dag is volmaak.